მინდა…

დალევა მინდა გათიშვამდე და მერე სადმე სხვაგან გაღვიძება,რომ არ მახსოვდეს იქ როგორ მოვხვდი.

ყვირილი ბოლო ხმაზე “მოგსტყვნიათ პატრონი,მე მივდივარ” .

თოვლში გაწოლა და თვალების დახუჭვა.

მინდა გაქრეს ყველა სახლი და მათ ადგილას დიდი ხეები ამოვიდეს.

მინდა ჩაიმარხოს და გაიხრწნას ეს მკვდარი რეალობა და ოცნებების ახდენის ხანა დაიწყოს.

მინდა მამაჩემი იყოს კარგად.

მინდა შეყვარებულებს ნამდვილი წმინდა სიყვარულით უყვარდეთ ერთმანეთი.

მინდა დედამიწა ბედნიერი ადამიანებით იყოს სავსე.

მინდა  წითელი თმა.

მინდა ტყის დედოფალი ელფი ვიყო.

მინდა შეწყდეს ხალხის მონობა.

მინდა  ყველა მშობელს ესმოდეს თავიანთი შვილების.

მინდა მოისპოს ძალადობა.

მინდა  განიკურნოს ყველა ავადმყოფობა.

მინდა ადამიანები არ კვდებოდნენ.

მინდა ცისარტყელასფერებიანი ფიფქები.

მინდა თხილიანი შოკოლადის ხეები.

ბედნიერება მინდა.

სხვანაირი სამყარო მინდა.

მინდა ღმერთი ვიყო და შევქმნა ასეთი სამყარო,მერე მეც ჩამოვიდე და იქ ვიცხოვრო,ადამიანებს შორის.

მაგრამ ეს ყველაფერი ერთი დიდი ოცნებაა,ზოგი ახდენადი,ზოგიც შეუძლებელი.

მე ვოცნებობ,მაგრამ არ მავიწყდება –Dream on,but don’t imagine they’ll all come true.